الأشياء الخمسة
الفاتورة الإلكترونية
كل غسلة تطلع لها فاتورة مربوطة بمنصة فاتورة في هيئة الزكاة والضريبة والجمارك، مرقمة بتسلسل ما ينقطع. هذي أساس كل شي بعدها: الدخل والضريبة وكشف الغسلة اللي ما انسجلت.
المصروفات بصور فواتيرها
الإيجار، والشامبو والشمع، والكهرباء والماء، وصيانة المكاين، والرواتب. كل مصروف بتصنيفه، ومعه صورة فاتورة المورد. الفاتورة الضريبية تخصم ضريبتها، والإيصال العادي لا.
ملخص الأرباح لكل فرع
الدخل، ناقص المصروفات، يساوي صافي الربح. بسيطة، بس صاحب الفرعين اللي ما يشوفها لكل فرع لحاله ما يعرف أي فرع يشيل الثاني.
الإقرار الضريبي جاهز
ضريبة المبيعات من فواتير الكاشير، وضريبة المشتريات من فواتير المصروفات، والصافي المستحق. يطلع Excel، ومحاسبك يقدمه بدل ما يجمعه من الأوراق.
إقفال الدرج كل يوم
الكاشير يعدّ الكاش ويكتبه قبل ما يشوف المتوقع، والنظام يقارن. فرق اليوم أسهل بكثير من فرق آخر الشهر.
ليش برنامج المحاسبة لحاله ما يكفي المغسلة؟
برنامج المحاسبة يحسب اللي دخل في الفواتير. والغسلة اللي انقبض كاشها بدون فاتورة ما تدخل في أي برنامج محاسبة في العالم. عشان كذا المغسلة تحتاج رقم ثاني من برا الكاشير: عدد السيارات من كاميرا. التفاصيل في كيف تمنع سرقة الكاش في المغسلة.
وش تعطي محاسبك كل شهر؟
| الملف | ليش |
|---|---|
| ملخص المبيعات والضريبة | ضريبة المخرجات في الإقرار |
| المصروفات مع صور الفواتير الضريبية | ضريبة المدخلات، ومصروفات قائمة الدخل |
| الرواتب المصروفة | مصروف الرواتب، ومطابقتها بحماية الأجور |
| إقفالات الدرج وتسويات الشبكة | مطابقة الكاش والبنك |
القيود المحاسبية الكاملة ودفتر الأستاذ والميزانية العمومية شغل المحاسب. اللي يفرق إنه يستلم أرقام نظيفة من مصدر واحد.
ضريبة القيمة المضافة على المغاسل باختصار
- النسبة: 15%.
- التسجيل: إلزامي إذا تجاوزت الإيرادات الخاضعة للضريبة 375,000 ريال في 12 شهر، واختياري بين 187,500 و375,000.
- الإقرار: كل ثلاثة أشهر لأغلب المغاسل (إيرادات 40 مليون أو أقل)، وكل شهر للي فوقها.
المصدر: هيئة الزكاة والضريبة والجمارك. ملخص عام، ارجع لمحاسبك في حالتك.
الكاشير والحسابات والولاء في اشتراك واحد
طبلون يبدأ من 149 ريال شهرياً للفرع، وتجربه 14 يوم مجاناً.
أسئلة
هل مغسلة السيارات لازم تسجل في ضريبة القيمة المضافة؟
إذا تجاوزت إيراداتها الخاضعة للضريبة 375,000 ريال في 12 شهر، التسجيل إلزامي. وإذا كانت بين 187,500 و375,000، التسجيل اختياري. نسبة الضريبة 15%.
كل كم تقدم المغسلة الإقرار الضريبي؟
كل ثلاثة أشهر للمنشآت اللي إيراداتها السنوية الخاضعة للضريبة 40 مليون ريال أو أقل، وهذي أغلب المغاسل ومراكز الخدمة. وكل شهر للي فوقها.
وش أحفظ من فواتير المصروفات عشان أخصم ضريبتها؟
فاتورة ضريبية من المورد فيها رقمه الضريبي ومبلغ الضريبة. الإيصال العادي بدون رقم ضريبي ما ينفع تخصم ضريبته. صوّر الفاتورة وقت الشراء وارفعها مع المصروف.